فهل سمعتنى أنت؟

صحيت من نومى فجأة
شفت نور غريب
المشكلة ان نور الاوضة مطفى

شفت الساعة حوالى تلاتة ونص الفجر
طيب
النور دة كله منين؟
اتفاجئت لما شفت ان ايدى نصها فى
الجدار
طلعتها بسرعة وأنا خايف وقعدت أشوفها
دخلتها مرة تانية فى الجدار
غريبة
بتدخل
سمعت صوت ضحك
قعدت التفت لقيت أخويا نايم
قمت من السرير وأنا خايف ورحت
أصحيه

بس مش بيرد عليا
رحت لأوضة أمى أحاول أصحى أبى
عايز حد يرد عليا
مردوش
رحت لأمى أحاول أصحيهافجأة قامت من النوم
هى قامت من النوم بس ؟مكلمتنيش؟؟؟؟
كانت بتسمى بسم الله الرحمن الرحيم وتكررها
قومت أبى من النوم وقالتله
قوم .....قوم عايزة أروح أطمن على الولاد
أبى جاوبها باستغراب مش وقته خلينى أنام وبكرة يحلها ألف حلال
لكن باصرارها قام من النوم مستغرب وراحوا سوى
قعدت أصرخ امى أبى بس ماسمعونيش
رحت مشيت وراهم لحد ما دخلوا الاوضة
ولعوا النور
مكنتش فرقة معايا لأن الدنيا بالنسبة لى منورة أصلا
بسسس!!!!!!!!!!!
اتفاجئت لما شفت شئ غريييييييييييييييب!!
شفت جسمى!!!!!!!!!
أيوة
جسمى أنا!!!!!!!!
قعدت أبص على نفسى !!!!
لقيتنى بقيت اتنين
قلت فى نفسى مين دة ؟؟؟؟
وازاى بيشبهنى ؟
قعدت أضرب فى نفسى عشان أصحى من الحلم الكئيب
مصحتش!!!!!!!!!!!!!
يلا .......خلاص شفتى إنهم
نايمين ........يلا نمشى بقى
لكن أمى مهديتش راحت عند اللى كان نايم مكانى وقالت
محمد قوم .........محمد قوووم رد عليا
بس مبيردش
حاولت أكتر من مرة وفجأة بدأت دموع أبى تتساقط !!!!!!!!!!!
أبى القوى اللى عمرى ما شفت فى يوم دموعه!!!
شفتها النهاردة!!
بدأ الصراخ يعلا فى المكان
صحى أخويا من النوم ....قال :فيه ايه؟
أمى قالت وهى بتصرخ أخوك محمد مات ....ماااااات
وهى بتبكى بحرقة
ازداد الصراخ
رحت لأمى قلتلها متبكيش أنا هنا شوفينى
ماحدش بيرد
لييييييييه؟
قعدت أصرخ يا جماعة أنا موجود شوفونى
قعدت أصرخ يارب ......يارب يخلص الحلم اللى أنا فيه ده
سمعت صوت جاى من بعيد بيعلا شوية شوية
لقد كنت فى غفلة من هذا فكشفنا عنك غطاؤك فبصرك اليوم حديد
فجأة فى اتنين مسكونى بس هما مش من البشر
خفت .......قعدت أقول سيبونى .....سيبونى
أنتوا مين وعايزين ايه؟
قالوا :احنا حراسك لحد القبر
قلت أنا مامتش أنا لسة حى
ليه تودونى القبر ؟ ده أنا بحس وبتكلم وبشوف لسة مامتش
ردوا عليا بابتسامة
عجيب حالكم يا بشر بتظنوا إن الموت نهاية الحياة ومتعرفوش إن اللى كنتم عايشين فيه حلم قصير
ينتهى لما تموتوا!!
وقعدوا يسحبونى لحد القبر
واحنا فى الطريق شفت ناس بتعيط وناس بتضحك وناس بتصرخ
وكل واحد معاه اتنين زييى
قالوا :الناس دول عارفين مصيرهم ..منهم اللى كان على ضلال
قاطعتهم وأنا خايف
يعنى هيروحوا النار؟
قالوا أيوة!!
وكملوا كلامهم اللى كان بيضحك ده رايح الجنة
رديت بسرعة
وأنا رايح فين؟
قالوا أنت كنت شوية بتمشى صح وشويى بتمشى غلط
شوية تتوب وتانى يوم ترجع تانى
ومكنتش واضح مع نفسك
وهتفضل كدة تايه
قاطعتهم وأنا خايف :يعنى ايه ؟يعنى هاروح النار؟
ردوا عليا:رحمة ربنا واسعة والرحلة طويلة
التفت وأنا خايف شفت أهلى
شفت أبويا وعمى وأخواتىوقرايبى
كلهم كانوا شيلنى فى صندوق....رحتلهم جرى
قلتلهم ادعولى
لكن مفيش حد رد عليا
حتى أخويا قلتله
انتبه من الدنيا وفتنتها اوعى تغرك
كنت أتمنى انه يسمعنى
شدونى الملكين لقبرى ونيمونى فوق
1. جسمى الحقيقى
شفت أبويا وهو بيرمى التراب فوقى
اتمنيت لو كنت مكانهم فى الدنيا كنت تبت...كنت صليت....كنت بطلت معاصى
قعدت أصرخ يااااااااااانااااااس
انتبهوا لا تغركم الدنيا
اتمنيت حد يسمعنى
فهل سمعتنى أنت؟